ปจฺจยจตุกฺกํ

[9] กุสลํ สงฺขตํ ธมฺมํ ปฏิจฺจ กุสโล สงฺขโต ธมฺโม อุปฺปชฺชติ เหตุปจฺจยา (สปฺปจฺจยทุกสทิสํ)ฯ

1-9. กุสลตฺติก-สนิทสฺสนทุกํ

1-7. ปฏิจฺจวาราทิ

ปจฺจยจตุกฺกํ

[10] กุสลํ อนิทสฺสนํ ธมฺมํ ปฏิจฺจ กุสโล อนิทสฺสโน ธมฺโม อุปฺปชฺชติ เหตุปจฺจยา… ตีณิฯ

อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยาฯ (1)

กุสลํ อนิทสฺสนญฺจ อพฺยากตํ อนิทสฺสนญฺจ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยาฯ (1)

อกุสลํ อนิทสฺสนญฺจ อพฺยากตํ อนิทสฺสนญฺจ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยาฯ (1)

[11] กุสลํ อนิทสฺสนํ ธมฺมํ ปฏิจฺจ กุสโล อนิทสฺสโน ธมฺโม อุปฺปชฺชติ อารมฺมณปจฺจยาฯ (1)

อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ อารมฺมณปจฺจยาฯ (1)

อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ อารมฺมณปจฺจยา ฯ (1) (สํขิตฺตํฯ)

[12] เหตุยา นว, อารมฺมเณ ตีณิ…เป.… อวิคเต นว (สํขิตฺตํ)ฯ

ปจฺจนียํ –นเหตุปจฺจโย

[13] อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ นเหตุปจฺจยาฯ (1)

อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

นเหตุยา ทฺเว, นอารมฺมเณ ปญฺจ, นอธิปติยา นว…เป.… โนวิคเต ปญฺจ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

เหตุ-อารมฺมณปจฺจยา

[14] กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส เหตุปจฺจเยน ปจฺจโยฯ (1)

[15] กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย… ตีณิฯ

อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย… ตีณิฯ

อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[16] เหตุยา สตฺต, อารมฺมเณ นว, อธิปติยา ทส, อนนฺตเร สตฺต…เป.… อุปนิสฺสเย นว…เป.… อวิคเต เตรส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-10. กุสลตฺติก-สปฺปฏิฆทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[17] อพฺยากตํ สปฺปฏิฆํ ธมฺมํ ปฏิจฺจ อพฺยากโต สปฺปฏิโฆ ธมฺโม อุปฺปชฺชติ เหตุปจฺจยา (สํขิตฺตํ)ฯ